दिया और बाती

आज थारी  बनकर रेहणा चाहु सु में ,
थारे  खुआबों में खुदको खोणा चाहु सु में ,
तुझ संग प्रीत लगाणा चाहु सु में ,
थारे रंग में रंग जाणा चाहु सु,
थारे वास्ते गीत बनाणा चाहु सु ,
में थारी सांझ और तुझे अपणा सूरज बनाणा चाहु सु !!


तू दिया बण कर मुझमे समाना ,
में थारी  बाती बण कर थारा घर आंगण ने रोशन करणा चाहु सु  ,
थारी याद बनकर तुझमे खोणा चाहु सु ,
तू जब भी पकड़े मेरी कलाई
में थारे और करीब आणा चाहु सु ,
में थारे दिल की धड़कन बनकर थारे सीने में  धड़कना चाहु सु  ,
में थारी बनकर रेहणा चाहु सु ,!!

तू जब जाये घर तो दूर ,
थारी याद में आंसू बहाणा चाहु सु ,
थारा लोट आणे का इंतज़ार करणा चाहु सु ,
जब तू लौट आये तो थारे वास्ते खाणा परोश्ना चाहु सु ,
थारी मुस्कराहट में में भी मुस्कुराणा चाहु सु !!

गरजे जब बादल तो डरकर थारे सीने से लगणा चाहु सु ,
थारे साथ बारिश में भीगंणा चाहु सु ,
थारे नाम की चूड़ी ,पायल पेह्णकर
थारे आगे झूमणा चाहु सु !!

थारे हर दर्द को महसूस करणा चाहु सु ,
थारे हाथ को अपणे हाथ में ले कर थारे संग बेठणा चाहु सु ,
तुझे सारे जहां की खुशियां देणा चाहु सु ,
बाहर तू जैसा चाहे वैसी  बन जाऊ,
पर घर में थारी सेवा करणा चाहु सु ,
जब थक जाऊ सारे काम करके,
तो थारे ऊपर सर रखकर सोणा चाहु सु ,

बहती  नदी सी हु ,
अब थारे साथ ठहर कर
एक किनारा पाणा चाहु सु ,
तुझे म्हारा दिया बना कर
में थारी बाती बण ना चाहु सु ,!!

में थारे साथ अपणा घर बसाणा चाहु सु ,
बण कर तितली थारे आंगण में
अब उड़ना चाहु सु ,
सारी दुनिया को छोड़कर
अब  तुझको अपणी दुनिया बनाणा चाहु  सु ,
बनाकर बींद अपना तुझे  में थारी बींदणी बनना चाहु सु
बनाकर बींद अपना तुझे  में थारी बींदणी बनना चाहु सु !!

Sheetal_Singh




 http://merymuskan.blogspot.com/
https://hindi.pratilipi.com/user/sheetal-singh-ggqdpd0zon
https://www.facebook.com/Meri.Muskan.My.Dreams.is.My.would/